Ebubekir ma xo vira nékerd

 

Ferhat Pak


Verdé 11 ser 18.07.1991 dé, Ebubekir Pamukçu ma miyanra barkerd şı. Labré sevday ey ma zerid zey dara çinayéri teze u kıho(kewe) mendo. Zerida Ebubekir´id eşqé şardé ZAZA u eşqé welat´té Zazayan bi. Èké tarixté ma sero def u dolabi ronayé, kar u girweyayişté Ebubekir´ra tersayé.

Çık kardé Ebubekir´id raşteya millet´ta ma bi, çiyokı Ebubekir ardbı çıma ver: Şevq dayé, roşn dayé.

Ma şené bé posayış vaje :Ebubekir raya ma Zazaya kerd zelal ew xorté,roşnberé Zazaya, cesareté xoya na rayda raştra şiné. Suruka (bayraq) serbesteya Zazaya hezaran desta vaydeyeno, qandé(serva) şardé xo, piyabestena xo gam bı gam bené ravey. Èké mara niyé néşené  millet´ta maré rayberey bıkeré. Ma vazené é dostandé xora perskeré, şima qandé zıwan u millet´ta maré sekerdo ? Bé nengi u iftiraya çiyi nazi şima nékerdo. Labré mayé temaşé kené zıwandé Kırdasiya hırq meng kıtabi neşr bené, qezetey vijyené. Kes néşeno ma bıxapeyno, ewro´ra tepiya madé qandé zıwandé xo  bıxeftiyé, çendkı ma destra ame madé vernédé. Kam ziwandé maré wayirey  kerdo, meselay Zazayan( Dimli, Dersim) ardo zıwan, é xayiney u MIT´eya itham biyé. labré merdimé ciyékı zey Abdullah Cevdeti ömré xo dewletiré xizmeta ravernayo inaré vané :`` Welatperwer``( Bewni kıtabdé Kürt Milliyetçiligi ve Abdullah Cevdet). Kam  çiçiyo, kamiré xızmet keno, efkaré umumi ney weş zano.

Gerek bé aqiley zi ju sınoré cı bıbo. Labré qurnazin miyand, fın fın bé aqiley zi beno. Sebebé ci oyokı merdimo kı ci het raştey çıniya, amacandé xoré vazeno qurnazeya bıreso. Çı fayde çiyokı é vané tede raştey u misqali zere ilmi tava çiniyo. Qandé coy zi qurnazey u xintina ina kewno tétewr. Èké qandé millet´ta ma fedekaréy kerdo , qet mado ina xo vira né keré. Şehidé ma Elişer Şeyh Said, Seyid Riza, Ehmedé Xasi, Dr. Şiwan , Necmettin Büyükkaya, Yılmaz Güney, Ebubekir Pamukcu ew è bina vero hürmeta vındem u am xo viri, va cayé ina Cennet bo. Waxta kı Ebubekir(Weli Xoca,Kendal) ma miyara abırya merdimékı kar u gırwey cı fitne u botana ameyo peser , inaré bol weş bı, labré o kef  ina pize mend. Sinedé Millet´ta mara bol Ebubekiri vijyay. Ewro roşnberé ma qandé zıwandé ma bévınderden u fedekareya girveyené. Zek şairi Alman Bertolt Brecht vano : Ek ma néşé koyandé berzana raveré, ma néşene béré erdé kıhoya( kewe) serzi. Rayaki Ebubekir  maré akerd a ray roj bı roj bena zelal bena wayiré mıllet u welat´té ma. Né rojand ma wazené tayn çiya sero vinderé éké  Ebubekiri ser qisey çewti vaté, È merdımi kami bi ew kamiri xizmet kerdı ? È merdımi qisandé xod samimi né bi waxtakı péserokandé ina artikel u şiiri nuşti, vatişté inara’’ Welatperwer`` bı. Bewné péserokté ARMANC ilon 1986, cotmeh 86, qasım 86, amor ,46,57. Şıma amor 46 şiiri Ebubekiri ‘’Azad yoldaşın anısına’’ silahana süs kerdo ju per sade şiirdé ey abırnao. Vané ‘’Bané zurkeré veşayo kes emel nékerdo’’. Roje sergovend Malmisanij telefond mıré va, ‘’ Ebubekiro Zazakiya AYRE vejeno, ezo tersena tiyad ( Isveç) kes ey né sılasneno haqdé cid çiye vajo. Waxta odo maré zor bo. Bahdo ma çiçi bıviné’’XUMXUMA KERAMETA CI DIMA’’ Tı né vajé çiyokı ey zerira ravéreno ey vano. Raşteya ci  çimhal kı Ebubekir dest eşt davadı Zazaya milli ew va ma’’ ezirganra heta semsur ju milleté’’, waxta hewné şima hermiya u şima bé vijdiyana bé adet u toreya ameyi cı ser. Ebubekir Kurdey bıkerde, şimado eyre névaté xayin yanzi ajan. Ziwan bé esteyo, kamci babet vaje tadéyeno.

Ellayi sinené vajé fikri şimao u fikri Kemalistan çı ferq esto şima pero zi sinorciye, bé sinoré çiye zi dışmış nébené,va şımaré kefaret bo. Qiseyéda verina esta vané: Dewakı asena rayber lüzüm nékeno. Gerek ma roşnber u welat sinayoxé Zaza (Dimli,Dersim) heta rayda xo belli keré, miyabeyndé xod munakaseyo bé faydera duri vinderé ew vernidé şöwenistan zey rezil piya grédiyé. Hırqes wa né çiya mezgdé xo zere kero. Reyayinda mıllet´da ma, sıfte odo quwet´dé ciya bıbo. Bé quwet´da  xo néşeno serbesteya xo bigiro. Eşkere, eşkere mayé vané:Zıwandé maré serbestey bé ney çiyé zi, ma het muteber  niyo. Desté xo ma sera bancé ew ma sero sersi mekeré. Millet´ta bındest péro bıray pey, éké milleta miyand fitne u fesatey kené Şövenisti ew maşey ciyé. Güniya şara sero Politika viraşten karé bindestan niyo. Hazarana Kurd, Zaza, Ermeni, Laz u ébini amey kışten ew surgün kerden. Ne kari pero destandé kolinyalistana amé viraşten. Gerek ma bındesti Politikayo ercan névırazi, paşti bidé pé ew omişey u bırayina xo zey rezil piya giredé. E bırayé mayeki heqte mad rınd dışmiş nébené, ma fına desté ina tepşem u vam:Béré qandé ma aqıl-selima dişmiş bı.
Waxta şımado bıviné mesela Zazaya heq u raştey sero ameyo viraşten. Waxta ma miyand hers biyayendo hawadeyo ew piyabestina mado vıraziyo .