Ez sekera

Dayé Welat rınd u şekero
Hesreta ey ma zerid Kul u kedero
Qe rojé ma vira néşıno
Kes vera cı bımro erciyeno

 Çi dınyay dınyad maneno
Okı kesi dıma vajyeno xebato
Wınyose mevınd no ma mıla deyno
Deyné xo bıdım, wa mara persnébo

 Tı zey veyvi teze u nazıka
Boya érdé to zey gul u rıhana
Ez sekera vilika mi dışmeno to dıma
Qe guni érdé to sero kemi nébena

 Dışmeni taynibi, newezi xayini vijyay
Poçiki nané toya, kené béqerar
Biyé kengeré veré vay, toré dané zerar
Ella rehm ina pize kero, belki yené ray

 Meberm gula mı meberm
Ewro serdo, meşt beno germ
Şen bı Şan bı dışmen béro rem
Ek tı bıqehrıyé, ma zerid beno xem

 Koti mend bırayin u dosteyin
Feqi ronené rayan sero, kené xırabin
Ne cıns zané ne zi ezbet
Rındey nézané, dışmenra biyé béter

 M.ÇERMUĞ   27 nisan 2004