Asmêno Bêwayir yew cıgeyraoğo Zazao. Serra 1973ine de Estamol de ame riyê dınya. Keyey xo taê serri raver deway Mazra Sılêmanu, Pılemoriye (Dêrsım) ra bar kerdo, ameo Estamol. 1975 de piyê ey o be maay cı ra ardi Almanya. Ae ra nat ena dıwele de weşiyay xo rameno. Almanya de şi mekteb. 1992 de kewt universıte u mıhendısinay makina (vıraştena makina) heta lisanê veri wende.
Oyo ke Zazaki verê coy tenê areze (fam) kerdêne, emma qısey nêkerdêne. 1993 de dest kerd zıwanê ma u piyê xo, gına sero, musa. 1996 de redaksiyonê pêserokay Warey de ca gırewt. Taê gurenayışê xoyê zıwani, nuştey, kılamê xo pêserokan u internet de veciyay (taê ebe namey xoyê keyey, Mesudê Keşki).

Nıka Frankfurtê Maini de diwanê idarey Enstitüyê Zazaki de gureyeno u temsilkarê pêserokay Miraziê Ewropao. 2005 ra nat ki Universıtey Frankfurtiê Goethey de qısmê ilmê zıwanan de ilmê têverşanaenay zıwanan (ilmê qıyasê zıwanan) de lızgey/gılê Hindo-Ewropaistiki (Indogermanistik) waneno. Paizê 2008. de tezay xoya mastıri dae zerre. Tezay xo diyalektanê Zazaki sero nuşte.


link:http://diq.wikipedia.org/wiki